PANALANGIN KAY KRISTONG HARI NG SANLIBUTAN
(sa kapistahan man o sa anumang araw nais dasalin)
O Panginoong Hesukristo, kinikilala kitang Hari ng sanlibutan. Lahat ng nilikha ay para sa Iyo. Pagharian Mo ang aking buhay. Sinasariwa ko ang aking mga pangako sa Binyag. Itinatakwil ko si Satanas, ang kanyang mga kapalaluan at mga gawa. Nangangako po akong mamumuhay bilang mabuting Kristiyano. Higit sa lahat, itinatalaga ko ang aking sarili na magsikap, sa abot ng aking makakaya, para sa pagtatagumpay ng mga karapatan ng Diyos at ng Iyong simbahan.
Kabanal-banalang Puso ni Hesus, sa Iyo iniaalay ko po ang lahat kong abang paglilingkod, ang pagsisikap upang kilalanin ng lahat ng puso ang Iyong dakilang paghahari, upang magtagumpay ang Iyong kapayapaang itinatag sa buong sanlibutan. Amen.
Kamahal-mahalang Puso ni Hesus, maawa Ka sa amin.
Kalinis-linisang Puso ni Maria, ipanalangin mo kami.
Dalisay na Puso ni San Jose, ipanalangin mo kami.
