HINGIN ANG TULONG NG PANALANGIN NI “KA LURING” FRANCO
PANALANGIN PARA SA BEATIPIKASYON NG LINGKOD NG DIYOS,
LAUREANA “KA LURING” A. FRANCO
LINGKOD-LAYKO AT KATEKISTA
Amang Mapagmahal, pinupuri, sinasamba, at pinasasalamatan Ka namin sa pagsusugo mo ng mga saksi upang maging pamukaw-sigla at halimbawa sa buhay Kristiyano.
Salamat po para kay Laureana Franco, ang tapat Mong katekista at lingkod ng simbahan. Isa siyang inspirasyon at huwaran sa pagmamahal sa Iyo at sa aming kapwa sa diwa ng kapayakan at kababaang-loob, at sa mapagmahal na paglingap sa “pinakadukha sa mga dukha” sa aming Lipunan.
Sa tulong ng kanyang panalangin at halimbawa, ipagkaloob mo po ang biyayang hinihiling ko ngayon sa Iyo (banggitin ang kahilingan).
Kung ayon sa Iyong kalooban, hirangin nawa siyang mapabilang sa mga Pinagpala sa Iyong simbahan upang maranasan at mamasdan ng mga Pilipino at mga Kristiyano ang magiliw mong habag sa pamamagitan ng kanyang mga panalangin, buhay, gawa, at kabanalan.
Ito’y aming hiling sa pamamagitan ni Kriston gaming Panginoon. Amen.
Ama Namin… Aba Ginoong Maria… Luwalhati…
(sariling salin ng ourparishpriest.com mula sa pinahintulutang panalangin sa Ingles)
